Произведения Марии Парначёвой

                Ас му вылын

Визувтас мед сöстöм ёль моз олöм,

Тайö ёльсьыс ньылшав вежа ва,

Морöс тырнад апав чöскыд сынöд,

Сьöлöм бердад шымырт олан пас.

 

Припев: Нимкодяся гажа кыддза раскöн,

Кывза колипкайлысь сьыланкыв.

Чöсмася ме, чöсмася оз тусьöн.

Вöр-валöн оз быр мед озырлун.

 

Ас му вылын шуда ола-выла,

Ас му йылысь гижа сьыланкыв.

Чужан мулöн мичлун мед оз кусав,

Енэж вöлi шондiа быд лун.

Припев.

 

Дзордзав жö, муса чужан муöй,

А ме тэныд сьыла сьыланкыв.

Сьöлöм руöй, тэын менам шудöй,

Чужанiнöй сетö меным вын.

 

                Сиктса ань

Сиктын олö лöня коми ань.

Ломтö пач да кöтö чöскыд нянь.

Пельк да шуда Варук сиктса ань -

Сибыд, мелi, тöлка, варов, шань.

 

Припев: Окма, лöсьыд на,

Сьыла на да йöкта на,

Вильыш руа сьöлöма,

Шондiбанöй ола на,

Шондiбанöй ола на.

 

Сиктын олö лöня коми ань.

Ытшкö, куртö, вилав абу вань.

Карта вылын видзö мöс, кукань,

Кильчö водзын куткырвидзö кань.

Припев.

 

Сиктын олö лöня коми ань.

Ылькйöн пуö олöм, ставыс шань.

Пельк да шуда Варук сиктса ань

Тэрыб, быттьö чая кока чань.

Припев.

 

               Матушка-земля

Коми земля, край берёз и сосен,

Озёр голубых, бескрайних лесов.

Коми земля, край иван-чая, ромашек,

Соловьиный рассвет, малиновый рай.

 

Припев: Матушка-земля – царица красок лета.

Мелодия любви льётся из ручьёв.

Матушка-земля, лейся звонче, песня,

Радуй, пой, звени, сердце успокой.

 

Коми земля – край черёмух душистых,

Лугов заливных, васильковых полей.

Коми земля – край лугов земляничных,

Где багульник цветёт, рябиновый рай.

Припев.

 

Коми земля - край любимый навеки,

Здесь корни мои, отчий мой дом.

Коми земля - нет красивей на свете,

Где коми живёт дружной семьёй.

Припев.

 

                  ***

 

Кытчö и кольöма

Челядьдыр, томкад?

Быттьöкö тöрыт на

Котралi нывка.

Котралi школаö,

Сьылi да йöктi,

Шорлогö котралi

Оз, чöд тусь вотi.

Вöлi кöть вильыша,

Бать-мам эз нöйтлы,

Машукöн нимтiсны,

Омöль эг тöдлы.

Муöдзысь копыртча

Бур бать-мам водзын,

Челядьдыр, томкад

Сьöлöмын видза.

 

Öдйö тай кадыс

Котöртiс, рöдтiс,

Пöрысьлун матысмис -

Олöма морт нин.

Важöн нин абу

Ас чужан гортын.

Думъясöн, сьöлöмöн

Дерт Кебра сиктын.

Ас чужан сиктыд тай

Медся на муса,

Ас чужан муыд тай

Медся на мича.

Дзоридзав, Кебра му,

Сьöлöмшöр менам,

Шогын и радлунын

Нылукыд тэнад.

 

 

 

   Шондiбанöй олöмöй

Шондiбанöй, олан гажöй

Менам радлун, сьöлöмшöр,

Коми муöй, чужанiнöй,

Сьылам, йöктам тэкöд тшöтш.

 

Сьылтас: Ик – ик – ик да ок – ок – ок,

Ворсö гудöк, йöктö кок.

Радлö сьöлöм, чик да чок,

Дзиркнясьö со гöгöрбок.

 

Сандра, Марья, Акулина,

Марпа, Дарья, Ефросинья,

Öмимдз тусь кодь сиктса нывъяс,

Чуксалöй жö удал зонъяс!

Сьылтас.

 

Иван, Матвей, Василей,

Мирон, Егор, Тимофей,

Чожа нолтö эновт удж,

Сьылам, йöктам микöд здук.

Сьылтас.

 

Сё майбырöй олöманöй,

Сиктъяс, грездъяс шызьöдамö.

Нывъяс, зонъяс вöчам кытш,

Коллям кыпыда ми рыт.

Сьылтас.

 

 

           Чужан му

Шлывгö-усьö ньöжйö лым,

Небыдик, дзик гöн кодь.

Ывла шоныд, тöвру чир,

Гортад он и пыр кöть.

 

Оз вöр весиг пулöн ув,

Со тай пышкай ворсö.

Лэдзö ув вылысь со лым

Тэрыб, дзоля кокнас.

 

Потшöс вылын тшап да збой

Пукалö со катша,

Юрсö лэптöм, оз тай пов,

Кöть и матын Катшыс.

 

Пач трубаысь труньгö тшын,

Öвтö чöскыд дукöн.

Ывла шондiа да лöнь,

Нимкодь, он пыр здукöн.

 

Сьöлöм вылын кокни мем,

Ставыс сэтшöм муса,

Нинöм вылö ме ог веж

Чужан мулысь мичсö.

 

       Чужан кыв

Коми муыд, вокö,

Медся на жö муса.

Коми кывйыд, чойö,

Медся на жö мича.

 

Тайö кыв мем дона,

Тöждысьысь бур бать кодь.

Тайö кывйыд, зонмö,

Менам муса мам кодь.

 

Чужан кывйысь некор

Некöн тэ эн яндысь.

Мичаа да гора

Коми кывйöн сёрнит.

 

Коми кывтö водзö

Сöвмöдны пыр колö,

Посни челядь ёнджык

Чужан кыв мед тöдö.

 

           Зараза

Килля семечки ме чожа,

Вомыд мудзтö тай оз тöд.

Пиньыд майбыр изö-изö,

Сöмын толькö лöд да лöд.

Уджыд эськö юрвыв тырöн,

Сьöлöм вылын весиг шог.

И öлсьыны некыдз ог вермы,

Кöть петö ас вылö нин лöг.

Кыськö кывлi татшöм шусьöг:

Семечкиысь содö тöлк.

Ог куж шуны, збыль ли сiдзи,

Но весьшöрö тай колис кад

Пока килли - тэчи кывбур,

Ог тöд кыдзи, бур ли дур:

Öтикö тай кывйыв пыктiс,

Мöд кö лыдди, петiс нюм.

 

 

 

Коми муöй, сьöлöм руöй

Коми муöй, матушкаöй,

Татшöм мусö ме ог тöд.

Тан ме чужи, тан ме быдми,

Танi менам чужан горт.

Коми муöй, матушкаöй,

Татшöм мусö ме ог тöд.

 

Коми муöй, шондiбанöй,

Тэысь мусасö ог тöд.

Тан ме шуда, тан ме колан,

Шуда танi коми йöз.

Коми муöй, шондi банöй,

Тэысь мусасö ог тöд.

 

Коми муöй, сьöлöмшöрöй,

Мича тэнад чужöмбан.

Гажа вöр-ва, паськыд видзьяс,

Чöскыд сынöд, любö став.

Коми муöй, сьöлöмшöрöй,

Мича тэнад чужöмбан.

Копыртча тэд, чужан муöй,

Сьыла тэныд сьыланкыв.

 

Сöвмы, дзирдав, сьöлöм руöй!

Мöд му меным оз и ков!

Копыртча тэд, чужан муöй,

Сьыла тэныд сьыланкыв!

 

 

Земля моя Коми

Родные просторы

Земли моей Коми,

Родные напевы

Любимой земли.

Куполов золотых

Церквей православных

Нет в мире дороже,

Нет в мире милей.

 

Жемчужина севера,

Край мой берёзовый,

Полей белоснежных,

Бескрайних лесов.

Закатов, рассветов,

Сияния Севера

Нет в мире дороже,

Нет в мире милей.

 

Коми народ я

В стихах воспеваю,

Дружно живущих

Единой семьёй.

 

Земли моей Коми,

Земли моих предков

Нет в мире дороже,

Нет в мире милей.

 

    Мамукöй

Ичöтысянь мамö кыв

Быдöнлы меддона.

Медся шань да медся бур

Менам муса мамук.

Припев: Мама, мама, мамукöй,

Лэдз жö менö войпукö.

Козьнав жö мем, мамукöй,

Гöрд дзоридзьяса шаль.

 

Кöсъя мамö, мамукöй,

Лоны шуда нылöн.

Дзоридзавны, радейтны

Тайö тувсов рытö.

Припев.

 

Кöсъя мамö, мамукöй,

Аддзыны ме мусукöс:

Сьöлöмаöс, статяöс,

Кыдзи менам батьöй.

 

          Юкмöс

Пета вала юкмöс дорö,

Босьта карнан, ведра гоз.

Юкмöс ваысь бурджык абу,

Сыысь чöскыдтö он корсь.

Припев: Кöдзыд, сöдз да чöскыд ва

Черпушка тыр гумовта.

Черпушка тыр гумовта

Да горша горштыр ньылышта.

 

Чужöм мысся вежа ваöн,

Здукöн содас эбöс-вын.

Ворсны пондас вирöй-лолöй,

Пырысь-пырöн югзяс син.

Припев.

 

Сьöлöм ыпъялö да сьылö,

Лунтыр кежлö сетö шуд.

Копыртча тэд, юкмöс, муöдз,

Муöдз копыр, дона ключ.

Припев.

 

         Самöвар

Пызан шöрын самöвар

Пуö-варгö, лэдзö пар.

Кöлач, преник, кампет дась,

Пызан чегö, чегö нач.

Припев: Самö-самö-самöвар,

Пуö-пуö, лэдзö пар.

Пуксьы, пуксьы, дона гöсть,

Чöскыд чайыд ок и пöсь.

 

Ывла вылын кöдзыд пöль,

Шондi вылад сiйö гöль.

Ки-кок чеплялö, зэв скöр

Еджыд, еджыд, еджыд пöль.

Припев.

 

Сё майбырой, оломöй,

Кампет, преник сёйöмöй.

Шоныд, сöстöм керкаöй,

Шуда, гажа олöмöй.

 

           Тулыс

Тувсов шондi лымсö сёйö,

Чинö-бырö тöвлöн вын.

Тувсов шондi югöр койö,

Гажа тулыс восьтö син.

Припев: Сьöлöм вылын бара тулыс,

Сьöлöм шöрын бара дой.

Сьöлöм вылын бара югыд,

Ворсö сьöлöмын любовь!

 

Пельпом вылö шаль ме чöвта,

Ывла вылын гудöк шы.

Нывъяс бöрся чожа вöтча,

Ылö юргö сьыланкыв.

Припев.

 

Тулыс, тулыс, мый тэ вöчан?

Дзикöдз воштi узян кад.

Тулыс, тулыс, висьтав стöча:

Мыйысь бергöдчö юр садь?

Припев.

 

           Нывъяс

Визин сиктын, Катыд грездын,

Öлö-зiльö уджач йöз.

Оз пов сiйö сьöкыдлунысь,

Уджыд сиктад кöть во чöж.

Сьылтас: Ок и нывъяс, ок и нывъяс,

Сьылыштам вай йöктыштам.

Ок и нывъяс, ок и нывъяс,

Гажöдчам вай, шойччыштам.

Визин сиктын, Катыд грездын,

Олöм пуö, сьöлöм рад.

Чужö челядь, зонпосни быдмö,

Сiдзкö ставлы аслас кад.

Сьылтас.

 

Визин сиктын, Катыд грездын,

Медся шань да медся бур

Сьылысь-йöктысь коми аньяс,

Дасьöсь гажöдны дзик пыр.

Сьылтас.


                                                       *****

[Стихи]  / Мария Парначева // Я не знаю другой такой земли : стихи и рассказы самодеят. поэтов и писателей Сысолы. – Визинга, 1999. – С. 50-54.

 

Базар лун ; Пöч да телевизор : [стихи] / М.М. Парначева  // Маяк Сысолы. – 1999. – 2 марта.

 

[Стихи] / М.М. Парначева // Визувтас мед сöстöм ёль моз олöм : сб. произведений самодеят. авт. д. Горьковская Сысольского р-на. – Горьковская, 2011. – С. 9-27.