Произведения Людмилы Поповой

Чужан мулöн - муса Палаззялöн серъяс

 

Тайö вöвлöм коркö-й важöн

Нёльсё во нин палсйöм-тажйöм…

Сэксянь рöдмис паськыд вожöн

Уна быдсясикас йöз.

Оз жö босьт мед тiян дöз

Висьтасьышта босьтöм гажöн.

 

Сыктыв йывлöн лунвывланьыс,

Палаззяöй шондiланьыс

Пуксьöм-лясöм лэбач бордйöн.

Йöз сэн олö тöждöн-могöн.

Быдсясикаса тай вöрö -

Кодкö узьö, кодкö гöрö

Тувсов войын.

Асног венö радлун-дойöн

Олöм вынсö.

Чошö пельöн сюся кывзö

Онö ключлысь сёлькöдчöмсö.

Сэнi чöсмöдö тшöтш вöвсö

Сэзь ва кöрöн.

Дöзмöдчывлöны та бöрын.

Му идралысь пöся сьöвзьö

Вöв табуныс кор му шöрын.

 

 

Матвей Лёня вöв жö видзö,

Домавлывлö тшöтш йöз виддзö.

Ачыс эськö рационализатор -

Мастеритлiс коркö трактор.

Сэсся тэчис мельнича.

Мельничаыс калича,

Ваыс-джынъя пöдöнча.

 

Öльöш Нина зумыд вужысь,

Коми кывтö стöча кужысь.

Дерт нин сяммас -

Ачыс öд,

Визингаысь эськö кöть,

Шöр школаын велöдысь -

Радейтчöмö ышöдысь.

Та бöр сöмын сьöлöм раммас.

 

Пелькöн кывсьö Паньö Вова,

Ачыс чирк кодь, серам вома.

Арбыд вöрсö – рассö чашйö,

Водзö вылö гусьöн пасйö

Тшака, озъя-пувъя места.

Уна удж на водзö пестас.

Öнi ньöбис выль «девятка»,

Тесьтыс сыысь век на броткö.

 

Соцработник Валентина

Оз и öшйыв некор инö.

Жугыль мортöс могмöдö,

Вермытöмöс шаньмöдö

Бур кывворнас.

Оз пов дуркысь-няйтысь, мудзысь.

Корсюрö и шогöдлö

Татшöм уджысь.

 

Олö сиктын Педöр Васька:

«Öдва лолала да кашка»,-

Нюртö–низгö асывбыд,

Кытчö вошöм эбöс лыд?

Вöвлi кад,

Став мусö бертлiс

Аслас туша-рожа серти.

Вина гагйыс джагöдöм,

Мортыс кольöм дзик туйтöм.

 

Конö Сергей томулов на,

Зептыс ёна-ö - а сьöма

Тöдны он тöд.

Аслас тöжд.

Асъя кыакöд тай чеччö,

Уджыс кырымыслы сетчö -

Бать вирсяньыс зумыд рöд.

 

Сьöкыд кывъя Писар Кланя,

Ачыс абу эськö шван, а

Пыр нин йöзöс чирыштö,

Здукöн сэсся миритчö.

Лöгыс абу.

 

Шондiбанас тадзи олам,

Коркö узям, юам-сёям.

Бертам удж и песам дыш.

Мортöс нырам,

Öтвыв сьылам.

Некытi на абу руш.

 

        Палаззя сиктлы гимн

 

Музыкаыс М.Новосёловлöн

Мир туйлöн веськыдлавылас

Тотшвидзö чой йылын грезд.

Мичлунсьыс сьöлöмыд сылас,

Волысьлöн петавлö веж.

 

Припев: Тайö Палаззяöй миян,

Чужанiн, вежöрлöн визь.

Сöвмöны танi ныв-пиян,

Вотöсыс вогöгöр кись.

 

Шоныд да небыд тан муыс,

Сынöдсьыс бергöдчö юр.

Коньыдик тувсовъя руыс

Лышкыда малыштö пыр.

Припев.

 

Сьöлöмтö мавтыштö выйöн,

Нöк кöрöн чöсмöдö вом.

Вичмöдö мудзлытöм вынöн -

Лов шыыд кольö век том.

Припев.

Дзоньвидзалун тэныд сиам,

Медым оз сибöдчы дой,

Ми, тэöн чужтана пиян

Саймöдам йирмöга вой.

Припев.

 

                На моём на веку

 

Жду гостей. Пирогов напеку

С картошкой, капустой и мясом.

Уж так повелось на моём на веку,

Что избе не углами быть красной.

 

И не в царских палатах мне жить суждено,

Да не слыть в них царицею властной.

Сладострастно вкушать и еду, и вино,

А быть простодушной крестьянкой.

 

Сенный запах лугов будоражит мне кровь,

Манит сладких бутонов веселье.

И таинственно в сердце крадётся любовь,

Листопад напророчит везенье.

 

Зорька алая с трепетом шепчет «Проснись»,

Полный двор уж давно в ожиданье,

У Бурёнушки с утречка новая жизнь,

А у Бореньки круче визжанье.

 

До работы успеть бы их всех накормить,

Да и завтрак домашним состряпать,

Огород оглядеть и капустку полить,

Ничего и нигде не прошляпить.

 

Напеку пирогов - на чаёк загляни.

Разносолы с подполья достану.

И если ты от меня будешь где-то вдали,

Пусть крестьянкой я взору предстану…

 

            Олöм - вылöм

 

Чолöмö муса нывъяс, чолöм!

Висьтасьышта, кыдзи олам.

Сиктын кыксё сайö морт

Быдöн кыскö ассьыс ноп.

Овмöс, кöнкö, öкмысдас -

Быд овмöслöн аслас пас.

Мöсъяс лыддям комын сайö

Накöд öттшöтш аслас пайын

Кукъяс, öшпиян да бальö

(Торйöдчыны накöд жаль öд).

 

Кызь гöгöрыд вöв да чань,

Вöлыд эськö пемöс шань,

Сöмын торъя дöзмöдчöны -

Йöз град вылö дзоргöдчöны.

 

Турун таво сюрис видза,

Гожöмбыд тай вöлі мича.

Но, а картупельтö косьтіс,

Ковмас тувсов кöйдыс корсьны.

 

Ва войт юкмöсъясысь вошис,

Со тай кыдзи жарыд чошис.

Бур на ва каналыд зільö,

Век на тöрöдчö ключ синö .

 

Ӧдъя мортыд гöбöч тыртіс,

Небыд лолöн быдтор быдтіс.

Певтö нёнявны оз кут,

Озыр сылöн гöбöч куд.

 

Нöкъя шаньгатö на кöтас,

Татшöмторйыд, дерт нин, пöтас.

Кöдзыдланьö керас яй,

Тыртöм оз коль пызан сай.

 

 

Коді пöжсис гожся дышöн,

Сылöн ас серти и кышöд.

Ог и босьтчы дивитнытö,

Сылöн аслас, гашкö, пыкöд.

 

Тадзи кольö лун да вой,

Венсьö радлуныскöд дой.

Дерт нин, сиктад уна мытшöс,

Бытшкö тшöкыдакодь пытшкас.

 

Но, а бергöдчан кö гöгöр,

Эм на миян вылын сигöр:

Библиотекаын и ФАП-ын

Том йöз пельксьö мича-тшапöсь.

 

Магазинын, детскöй садйын

Оз на том нылукъяс падмöй.

Удал зонъяс, кöнöсь ті,

Медым рöдмис ныв да пи?…

 

Школа-садйыд здукöн выльмис,

Жаль, дерт, шöр школаыд йылмис.

Но ме чайта водзö -водзö

Ставсö чукöртам на соддзö.

 

Палаззяыд бара горзяс,

Карса воас чужан позъяс.

Выльног донъяласны пасъяс,

Чöвталасны пернапасъяс…

 

               Аслам дзолюкъяслы

 

Дзоляник нывкаöн югыдас чужи:

Муас эз инмыв сэк батьöлöн кок.

Мамöлöн шудысла синваыс рудзис,

Зумыштчöм сöмын тай ыджыдджык вок.

 

«Бласлö Кристосалiс» менö сэк пöчö ,

Ки вывсьыс сöвмытöдз эз нин и лэдз,

Ме дорысь шеналiс бушков и кöдзыд -

«Рочакань» нимыд пö меным дзик стöч.

 

Бöрас öд бурасис, дерт, муса вокöй.

Батьöкöд öтвылысь бöрйисны ним.

Регыд и сувтсьöма йöв сора рокöн.

Мамöлöн морöсыс козьналöм вын.

 

Серам кöть абу мем öнi , но тöда

Мамööс нёнялi сизим во чöж.

Гашкö и, сы вöсна öнi на сода,

Кöть эськö юр выв тыр быдсяма тöжд.

 

Медъюгыд тöждыс мем пиянкöд ноксьöм:

Найööдз вайöдны сьöлöма кыв.

Быдторсö чуйдлöны - радлöм и шогсьöм,

Но муслуныд на дорö некор оз сыв.

 

Енмыслысь кевма ме налы став бурсö,

Пыдзырта ас пытшкысь медбöръя вын,

Мед эськö лёклунлöн эз личкы мурзöм

И сьöлöмнас некор эз овлыны кын.

 

                                                                *****

[Стихи] / Л. Е. Попова  // Шудöй, шудöй : сб. произведений самодеят. авт. Сысольского р-на : стихи и проза на рус. и коми яз. – Визинга, 2009. – С. 22-23.